昔日東方政情：梁君彥話主持立會似指揮交通
實際上，唔係好多人知道立法會開會嘅流程，連議會「新丁」正式開會前都要「上堂」惡補。早前就有機構舉辦咗模擬立法會活動，一班中學生參加，勞工界議員梁子穎同主席梁君彥仲在場回應問題同帶學生參觀添，梁君彥亦都分享佢做主席嘅心得。
梁子穎帶學生參觀議事廳
立法會主席要做啲乜嘢呢？梁君彥同學生講自己唔可以好似「大家長」咁管理89個議員，而係做一個「交通指揮員」，而且要做到「公平、公正、公道」，令所有議員都可以喺規則下履行職務發表意見。
梁子穎之後就帶班學生到議事廳同中信大廈嘅議員辦公室參觀，仲話希望參加嘅學生可以專注學業發展，因為議員需要有豐富嘅知識去應付議會工作，而且要裝備好自己嘅溝通能力、說理能力同社交能力，課餘時間都可以參與社區建設工作，好好發展自己嘅生涯規劃咁話。聽完兩位議員嘅分享，希望學生們可以更加了解立法會嘅工作同流程啦！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
