政情：阿根廷上身 林振昇捕獲巴西球星

趁住聖誕節同新年假期，林振昇最近就去咗杜拜玩，竟然畀佢巧遇2002年協助巴西第5次贏得世界盃嘅巴西前「國腳」羅拔圖卡路士，佢話見到呢位球員，就令佢勾起1997年睇足球賽事直播嘅回憶，仲話巴西對法國的賽事時，羅拔圖卡路士嘅30幾碼左腳罰球入網，好多球迷都仲係津津樂道添！如果係球迷遇到自己支持嘅球隊實好興奮，但弊就弊在林振昇當時着住阿根廷波衫喎。

不過，好彩羅拔圖卡路士都好友善咁同着住阿根廷波衫嘅林振昇影相，仲面帶微笑，冇覺得林振昇「挑機」添！新嘅一年，林振昇希望香港社會可以全面復常，旅遊業可以再次起飛咁話喎。