政情：顏汶羽帶BB遊樂園 建父子回憶

其實童年嘅顏汶羽，昔日就係由父親嘅陪同下，一年入主題樂園一次；而佢只不過係接力，延續呢種建立回憶嘅做法。佢話主題樂園嘅招牌即使無變，但內裏好多設施已隨歲月而有所更替，所以佢要喺主題樂園大變天之前，把握機會同囝囝逛一趟。

過去喺觀塘區長大嘅顏汶羽，亦希望下一代能對自己成長嘅地方留下印象。近年觀塘社區雖快速換上新貌，但幸好佢過往居住嘅屋邨，同就讀嘅中、小學依然存在，仍然可以同囝囝一齊去番現場，憶述自己童年生活嘅點滴。