政情：屯門唔夠社區保母 周浩鼎叫政府檢討

睇番之前嘅質詢，孫玉菡話社署已經喺2020年1月起劃一增加社區保母嘅服務獎勵金到每小時25元，並將於2022至23年度嘅《財政預算案》再檢討，但係Holden就認為有關回覆冇畀到任何承諾。佢話政府早前回覆佢嘅質詢時，已經指出屯門區係18區當中，其中一個最少社區保母嘅區域；而該區數十萬居民，只得31位社區保母，簡直係「匪夷所思」，建議政府檢討時，必須了解何以出現呢種情況。至於每小時25元嘅獎勵金，導致社區保母欠缺誘因去到屯門工作，就要對症下藥。

今次再去信，Holden話政府至少要再次承諾重新檢視鄰里幼兒照顧計劃嘅實施模式同成效、社區保母嘅酬勞待遇、同社區保母嘅分布情況。