政情：議會4新丁辦公室揭盅 唔喺立會大樓

其實尚海龍、黃錦輝、何敬康同陳永光嘅議員辦公室，已經安排好嘞！佢哋無人進駐立法會大樓，而係全部係安排喺中信。轉咗跑道加入政府做審計署署長嘅林智遠，同埋做咗創新及科技局局長嘅孫東，佢哋位於15樓02同13室嘅辦公室就分別畀咗黃錦輝同尚海龍；而黃錦輝就同議員鄧飛做鄰居，尚海龍就同江玉歡做鄰居。至於陳永光就喺15樓嘅24室，同林新強做鄰居；而何敬康就安排喺13樓同梁子穎做鄰居，亦同佢嘅黨友議員黎棟國等人亦同層。

另外，做咗民政及青年事務局局長嘅麥美娟，佢喺立法會嘅辦公室就畀咗黨友鄧家彪，但做咗律政司副司長嘅張國鈞，佢之前喺立法會嘅辦公室就「吉」咗，唔知會畀邊個呢？