政情：聽音樂跟唱歌 盧偉國大聲過音響

WK一向都多才多藝，識得吹色士風同彈琵琶，而且唱歌仲得。尋日喺啟動儀式完咗之後，現場就播放一啲耳熟能詳開聖誕歌曲，佢就跟住音樂唱，話自己好似「報佳音」咁，唱得仲大聲過音響添！

唔單止演奏樂器了得，佢亦不時喺Facebook分享煮嘢食嘅貼士，唔知大家記唔記得佢係喺聖誕節生日呢。佢喺平安夜都有分享吹色士風嘅短片，佢喺短片中話2022年去到尾聲，「祝大家身體健康、家庭幸福美滿、香港疫情消退、生活復常、經濟復甦」。