昔日東方政情：爸爸聖誕生日 梁熙送自己當禮物
又到聖誕佳節，好多地方都會有唔同嘅慶祝活動，唔少人都會交換禮物感受吓節日氣氛，議員梁熙話尋日係佢「命中注定」做聖誕老人嘅日子喎，仲話要將自己送畀人。哇！講到咁，究竟佢要送自己畀邊個呢？
放低電話 一齊食飯
原來梁熙嘅爸爸係喺聖誕節正日生日，撞到正一正，所以佢自細就會送禮物畀爸爸，細個可能畫張生日卡，大個咗就會買吓衫，近年佢爸爸鍾意玩電子用品，所以佢由手機到平板電腦都送過，年年都要喺尋日送禮物，唔怪之得話自己係「命中注定」嘅聖誕老人啦！
之不過，佢話送咗30幾年，依家好難諗到有新意嘅禮物，而自己加入立法會之後，陪家人嘅時間愈來愈少，所以就決定今年爸爸生日向佢送最重要嘅禮物，就係決定送自己！仲話尋日要唔接電話、唔睇手機食一餐飯，希望佢爸爸鍾意呢份禮物啦！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
