政情：高佬賢黑仔 一晚兩度吹波仔

原來唔係！高佬賢話前晚喺港島做完嘢之後，就揸車返屋企，途徑昂船洲大橋時，就有警察要求佢吹波仔，到大欖隧道往元朗方向時，又被抽到要吹第二次波仔喎。

高佬賢話唔知點解會「一段車程兩次遇見」，就話可能個樣「紅紅哋」畀警察誤會咗啦，仲講笑話係香港警察喺節日送佢嘅禮物添！佢喺Facebook分享呢件事，有人就話睇得出議員係冇特權嘅，又有人話「飲得醉醉撞得碎碎」，好彩高佬賢冇醉駕。