政情：詐騙廣告盜頭像 陳國基揭露真相

政務司司長辦公室尋日嚴正澄清，就近日發現有網上新聞平台同社交媒體附有政務司司長姓名同新聞圖片、誘使網民點擊而連接到聲稱涉及虛擬貨幣「比特幣」嘅可疑交易平台嘅詐騙廣告及網頁，指從未發出或授權任何相關廣告，陳國基亦從沒有進行有關廣告聲稱嘅所謂訪問，當中言論全屬虛構。

司長辦公室呼籲市民提高警覺，提防偽冒政務司司長訪談嘅網上詐騙廣告，切勿透過該等廣告登入任何可疑網頁或向不明來歷嘅網站提供個人資料，並已將事件轉交警方跟進調查。

陳國基其後亦於Facebook發文，指今次「廣告」係喺其署理行政長官期間出現，足見犯罪分子別有用心，故意喺呢個時候誘騙市民上當。