政情：立會主席梁君彥確診新冠

正因為梁君彥確診，佢個仔、民政及青年事務局副局長梁宏正都按衞生署衞生防護中心指引進行居家檢疫，檢疫期間會在家工作。民青局發言人話梁宏正前日進行核酸檢測，尋日亦已進行快測，結果都係無染疫。

環境及生態局常任秘書長（食物）劉利群亦確診，正按衞生署衞生防護中心指引進行隔離。佢最近一次返工日期係上周四，最近冇外遊紀錄，局方已為相關辦公室進行徹底清潔和消毒。另外，發展局局長政務助理染疫，佢最近冇外遊紀錄，而最近一次上班日期為12月20日，局長甯漢豪每日都有進行新冠病毒快速測試，結果均為無染疫，前日進行嘅核酸檢測結果亦證實無確診。