政情：與黨友逛工展會掃貨 龍漢標買三千蚊蜜糖

話說龍漢標中途離開大隊去買蜜糖，後尾問番佢幾錢，佢竟然唔記得，仲要睇番張單添。梁美芬一入到工展會就買咗3盒蟲草、3盒靈芝，盛惠1,188蚊。

之後大家去到零食檔，龍漢標再大手購入300蚊零食，話係畀個孫嘅；梁美芬都唔執輸，同樣買300蚊；盧偉國就買咗240蚊，話返去一邊睇世界盃重播一邊過吓口癮；立法會主席梁君彥就買180蚊當支持喇！另一議員陳祖恒，雖然買得80蚊零食，但就冇跟大隊走，話要自己「自由行」，見到啱嘅就再買多啲咁話。