政情：梁熙管浩鳴開地辦 新歡舊愛齊自拍

梁熙話開辦事處嘅心情複雜，仲爆響口話張國鈞係佢嘅「第一次」。嘩，講緊乜嘢呀？原來係講緊張國鈞轉跑道入政府前，同梁曾經孖頭開地辦，嗰次係梁第一次開辦事處啫！梁好似未過完口癮，話管浩鳴係佢「新歡」喎。又搞咩呢？原來都係只不過講緊今次同管牧開地辦。之後梁都正正經經，向市民預祝聖誕快樂、新年快樂。

至於「新歡」管浩鳴，就喺社交平台話梁熙顏值擔當，希望一齊將愛同關懷帶畀社群，共同建設關愛社會。

作為牧師嘅佢，話愛係無分彼此，希望透過開設辦事處，為社區帶嚟團聚、增進感情嘅機會啦！