政情：勞福局多人確診 常秘新聞秘書染疫

勞福局發言人尋日話劉焱經快測證實確診，已按衞生署衞生防護中心指引進行隔離。佢最近一次上班日期係本月16日，即係上周五，而佢喺工作時有佩戴口罩同遵守有關防疫措施，亦有定期進行核酸檢測或快測，最近亦冇外遊紀錄。鑑於相關官員染疫，局方會為相關辦公室進行徹底清潔同消毒，亦會繼續嚴格執行各項防疫措施。

至於經核酸檢測發現確診嘅新聞秘書，發言人話佢工作時有佩戴口罩同遵守有關防疫措施，最近冇外遊紀錄，最近上班日期係本月19日。