政情：林正財應「節」 添馬公園踩單車機

林正財認為踩單車既唔會傷膝頭，又可以鍛煉心肺功能，係一種好值得推廣嘅運動，而早前啟用嘅將軍澳跨灣大橋，設計之時佢就主張橋面需要有單車徑。尋日林正財喺社交平台上載相片及短片，可以見到置身綠茵嘅佢輕靠二輪座駕，又騎上設置喺公園嘅單車機；至於佢嘅留言，就話「冇得去單車節，惟有喺呢度踩下。」

點解會冇得去單車節呢？林正財並無交代。之不過，尋日嘅單車節約4,000人參與，但總報名人數則約5,000人；到底林正財係咪屬於缺席嘅1,000人之一呢？咁就不得而知啦。