昔日東方政情：「A4」回顧年度事件 張欣宇被喻終結者
年尾流流，由4位新丁議員楊永杰、張欣宇、梁文廣，同林素蔚所組成嘅議政聯盟「A4」，尋日就一齊開直播，回顧一下今年所發生嘅事。言談之間，張欣宇竟被喻為，荷里活明星阿諾舒華辛力加所飾演嘅「終結者」！之不過以張欣宇嘅身形，點睇都唔及得阿諾咁魁梧啊！
淺白講解港鐵技術問題
其實佢哋所講嘅「終結者」，係指30多年前荷里活電影「未來戰士」。由於話題扯到去近日嘅港鐵事故，指港鐵經常用一啲專業，但令人摸不着頭腦嘅字眼、或令人難以理解嘅術語去交代事件；而梁文廣就讚賞港鐵工程師出身嘅張欣宇，可以用一啲淺白嘅語言去講解港鐵嘅技術問題，其傑出表現恍如電影角色「未來戰士」。由於呢齣電影喺內地又譯作「終結者」，於是佢哋就為張欣宇冠上「港鐵終結者」嘅稱號嘞。
梁文廣又話，張欣宇喺「A4」嘅角色好重要，認為佢唔係純粹收內部料咁簡單。不過楊永杰隨即澄清話並無內部料，強調「A4」絕對唔係「早收3日風嘅團體」。然而，究竟有咩團體可以早收3日風呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
