政情：寒夜燒烤煲檸茶 黃虹銘飲到怕

因疫情關係，政府轄下燒烤場關閉逾兩年，上月重新開放，唔少人都「餓」咗燒烤好耐，黃虹銘就約埋幾位中學時代嘅同窗，放工之後搭幾百元的士前往西貢黃石碼頭，然而抵達目的地已告暮色四合，加上燒烤場位置近海，特別需要熱飲以抵禦陣陣寒風，於是就喺爐火之上架起錫紙盆，一於紅茶加幾片鮮檸檬，煲熱嚟飲咁話。

好不容易先至等到檸茶夠熱，然而味道就同期望有落差。有網友睇見上載社交平台嘅煲檸茶相片，一語道出問題所在，指水滾之後先可以放檸檬，否則檸茶係會苦嘅。知悉原委嘅黃虹銘，就話煲完之後好難飲。亦有網友問，點解燒烤地點唔揀熱門嘅城門水塘？黃虹銘話嫌唔夠Romantic喎！睇嚟男人的浪漫，並不止於「豆腐火腩飯」。