昔日東方政情：工業意外多 陸頌雄促修例勿再拖
工業意外頻生，當局打算修訂《職安健條例》並大幅調高罰則，惟立法會相關法案委員會上唔少商界議員對條例有意見，導致即使召開多次會議，仍處於逐條審議階段。而法案委員會主席陸頌雄就似乎好焦慮，仲借近期連續幾日都出現致命工業意外，促請各委員加快審議進度喎。
向委員施壓 叫加緊審議
喺過去嘅法案委員會會議上，就有議員因為被陸頌雄截停發言，認為不被尊重，同埋覺得陸頌雄「趕住通過」而憤然離場抗議。今次陸頌雄就借近日接連出現嘅多宗致命工業意外，再一次向委員「施壓」，佢呼籲各委員加緊審議進度，爭取喺聖誕前完成法案委員會階段，盡快提交大會恢復二讀並通過；透過加強罰則及全面建立職業安全文化，從根源減少意外發生。
本周二（20日）下午2點半會再一次召開為時4個鐘嘅法案委員會會議，唔知到時又係咪能夠達成目標呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
