政情：酒店變青年宿舍 陳紹雄憂通關後唔續

為盡早解決青年人嘅居住問題，政府喺《施政報告》宣布會研究不同方式增加青年宿舍供應，目標係5年內提供額外約3,000個宿位，而有關措施就係透過支援非政府組織，於酒店同旅館推行青年宿舍項目。但隨住內地防疫政策有放寬，通關似露曙光，有議員質疑青年宿舍計劃可能會遭到酒店業冷淡回應，促政府提供應對方案。民政及青年事務局副局長梁宏正就話，雖大家對通關熱烈期盼，但相信有興趣參與計劃嘅酒店未來會繼續發展。