政情：質詢次數埋單計 謝偉銓：十全十美

原來Tony係指，尋日係立法會本年度最後一次大會，當中最後一條議員質詢就係由佢提出嘅「公共交通工具的長者友善設施」，內容係關注港鐵同專營巴士公司，其優先座嘅數目同釐定準則、以及目前及未來5年所引入有關方便長者乘搭嘅設備同措施。至於1月19日本年度首個有議員質詢嘅大會，Tony亦有「搶閘」，就北部都會區發展策略而提出口頭質詢。既然頭尾都係佢，話「好頭好尾」都算係實至名歸。

Tony話全年埋單計數，佢啱啱好提咗10條議員質詢，所以係「十全十美」。況且佢亦係提得最多質詢嘅幾位議員之一，因此係「問題議員」咁話。