政情：前廳交流新安排 議員話有好有壞

本身就唔贊成新時間嘅議員狄志遠，出席交流會後表示大家不時行來行去，席間各人難以專注，遇到議員議案又要衝番入議事廳去撳掣，導致交流會人數又少啲。佢希望下次唔好再揀呢個時間，尋日佢自己已經出出入入幾次，諗住唔撳掣講嘢，但點知交流會結束，議員議案仲未完結，自己先至又再講番喎。

但又有議員話尋日會議因為議員需要走出走入，似乎比過去幾次隨意。議員何俊賢提到，咁多次交流會嘅召開時間都不盡相同，而尋日交流會6張枱，每一枱都有唔同話題，包括關愛隊、騙案、消防處、婦女事務等，有清晰指示，大家可以選擇自己想講嘅議題而「埋堆」咁話。