政情：立會足球隊重組獻技 何俊賢隊長變後備

由首屆立法會開始，立法會足球隊幾乎每年都會邀請政府官員、公共機構同團體進行友誼賽，冀藉足球運動同各界聯誼，但受到疫情影響，近年立法會都未有組織足球隊作賽。尋日，立法會宣布會恢復成立足球隊，仲會喺疫情穩定之後舉行比賽添！議員何俊賢作為上屆嘅隊長，揚言今屆隊長嘅位置「畀新朋友多啲機會」，但都唔排除自己係「超級後備」咁話喎。