政情：前廳交流會明舉行 6大議題包括遣返假難民

出席今次交流會嘅官員，包括入境事務處處長區嘉宏等多個紀律部隊首長，政府新聞處處長陳偉偉同行政署長盧世雄都會出席。不過，今次嘅安排受到議員質疑，其中議員狄志遠日前喺立法會內務委員會提出，指前廳交流會同大會時間相撞唔理想。相反，議員陳克勤就唔同意狄嘅講法，認為星期三最多議員喺立法會，而平時好多會議都會「撞時間」，又稱「平時都唔係成日見狄志遠喺大會會議廳」。

特首喺今年7月帶領3名司長及副司長出席立法會前廳交流會，隨後3次交流會分別由政務司司長、財政司司長及律政司司長帶領相關問責局長出席。