要聞港聞

政情:將藍公路開通 林世雄冇影蹤

林世雄正休假,唔喺香港。 林世雄正休假,唔喺香港。
林世雄正休假,唔喺香港。
話說將軍澳藍田隧道及將軍澳跨灣連接路(合稱將藍公路)尋日通車,但係喺前日嘅通車儀式,運輸及物流局局長林世雄就冇影喎,在場只見副局長廖振新。
休假離港去女兒畢業禮
呢個係今屆政府上任以嚟首個落成嘅大型基建項目,主責運輸嘅林世雄都唔出席,究竟搞乜?運輸及物流局回覆傳媒話局長喺上周五(9日)已開始休假,放到16日,即係本周五,期間要到海外出席女兒大學畢業禮。雖則佢唔喺香港,但亦有寫網誌介紹將藍隧道同跨灣連接路啟用後嘅安排,仲話同事近日「如臨大敵」,但絕唔代表準備不足,局方希望市民能夠真切同充分感受到新基建帶嚟嘅裨益同幸福感。
資料顯示,將藍隧道喺2016年林世雄任職土木工程拓展署長時動工,佢當時都有出席動土儀式,當年政府預期2021年建成,終延誤一年至尋日先開通。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500