政情：鄧家彪陳沛良開地辦 舞獅助興

開幕禮上，陳沛良率先致詞，話同鄧家彪理念一致、一拍即合，自己雖然唔係地區直選議員，但會繼續同工會、社團喺地區前線服務。獲邀出席嘅財政司副司長黃偉綸就表示，好早就認識鄧家彪，雖則之前鄧嘅政治生涯起起落落，但依家入番立法會，都為佢感到高興。至於陳沛良，黃坦言兩人交往尚淺，然則陳所具嘅保險背景，於黃隸屬嘅財經事務部門而言，陳都算係黃嘅「老闆」咁話。

另外，黃偉綸仲趁機宣傳簡約公屋。話簡約公屋同過渡性房屋兩者造價相若，但前者有電梯、抽氣扇、熱水爐等，市民入住唔使再花時間安裝設施。佢又實牙實齒咁話，幾年後公屋落成數目會倍數增長，並向在場市民寫包單，話「你信我，我非常熟悉！」