政情：立會又出新月曆 施政報告未有期

據悉，今年7月政府換屆後，行政立法雙方都已經傾好明年議會嘅會期，睇番新款月曆，2023年立法會期將會有27次會期；政府將於明年2月22日宣讀財政預算案，議員就會喺明年4月26、27日就財政預算案發言。之但係，到底邊日發表施政報告就未有標示，或者政府見時日尚遠，仲未決定發表嘅日子啦。

另外，由於部分議員身兼人大或者政協，如果內地召開會議嘅時候，部分議員就出席唔到立法會會議，導致立法會會議可能要改期，然而月曆向來都冇顯示。不過今次就有啦，明年3月1、8、15日有可能因人大會議及政協會議，立法會會議或需有所調整。