政情：瞓得兩粒鐘 馬逢國「釣魚」開工

其實同世界盃關係唔大。馬逢國話最近瞓得唔好、好攰；再加上要處理人大嘅事，好忙碌，前晚只瞓得兩個鐘，尋日朝6點就起身，仲要準備版權條例嘅講稿，況且今日人大有好多分享會，尋日大家都要趕議程，又話如果無代理主席李慧琼尋日會更加辛苦，今日續會亦都要幫手。

馬逢國之所以置身主席台主持會議，皆因主席梁君彥有屋企人確診，佢同兒子、民政及青年事務局副局長梁宏正，兩父子尋日進行快速抗原測試嘅結果均顯示無染疫，但就被評估為染疫個案嘅密切接觸者，須按指引進行居家檢疫，立法會大會需改由內務委員會主席李慧琼擔任代理主席；而當李慧琼並非身處議事廳，代理主席就改由內會副主席馬逢國頂上。