政情：1年3確診 陳志豪有奇聞

陳志豪之前已經打咗3針，但竟然都中咗3次，距離上一次中就相差咗8個月。中咗咁多次，唔知對佢身體有冇影響呢？佢就話3次中嘅症狀都唔算嚴重嘅。唔單止打3針都中3次奇怪，仲有一樣嘢最奇怪，就係佢快測前後無論做幾多次，都顯示冇中，同佢食過飯嘅朋友同屋企人都話自己冇中，得佢一個做核酸先顯示中咗。

發生咗呢啲奇怪事，有網友同佢講話可以要求覆檢，因為有時可能混檢所以搞錯，睇嚟佢都唔知可以咁做，仲好驚奇咁回覆「可要求的嗎？」嗰位網友都答話可以，叫佢打去熱線，說明唔同時間幾次快測都係冇確診，而且之前已中過兩次，依家希望核酸覆檢，佢就話試試先。一日過去，唔知佢有冇覆檢成功呢？