政情：進修基金幫人移民 政府呻笨

佢仲話基金辦事處亦已發信提醒轄下所有培訓機構，需確保宣傳方式同目的相符，並要妥善保留所有與基金課程相關嘅宣傳材料，同埋記錄相關材料嘅發放渠道同時間，以便當局進行檢查。至於在職家庭及學生資助事務處今後亦會加強檢查培訓機構嘅宣傳材料，若當中涉偏離目的，局方有權停止或要求機構收回不適當嘅宣傳資料，倘若機構拒絕合作及屢勸不改，唔排除會取消相關基金課程登記。

至於審計報告指有關課程基金登記申請時間過長嘅問題，佢話將檢視有效基金課程的數目同選擇，以加強監督對培訓機構巡查，跟進違規事項，部分措施已開始實施，局方同職學處將繼續密切監察執行各項改進措施嘅進度，務求公共資源用得其所，確保學員利益得到保障。

議員陸頌雄就關注基金登記程序問題。佢話報告指過去絕大多數申請均較60日嘅指定時間為長，甚或有逾九成申請超過120日，但考慮到香港學術及職業資歷評審局為確保申請流程順暢，同時已設立諮詢服務支援，故質疑有關處理點解仍然咁慢。勞福局首席助理秘書長（人力）溫錚宇回覆話，因應疫情唔少員工需在家工作，以致當時人手出現緊張，再加上局方亦發現唔少申請機構喺後期都出現資料計算誤差，例如學員畢業標準分數等，故需個別補充資料，佢承諾今後將與培訓機構保持再密切嘅溝通，希望喺提交申請前期盡早通知所欠缺或需要澄清嘅地方。

評審局總幹事周慶邦亦話，困難源於當局多數要求培訓機構遞交第三方機構證明文件，如教育場地保險文件、消防安全證書、教學人員履歷等，需時處理，但承認當中有改善空間，未來會投放更多資源作協調工作。