政情：謝偉俊：議會生態變異官員態度奉旨

謝偉俊指，過去有議員試過喺前廳交流會拎住請願嘅文件，打算同官員合照，但最後議員竟然收到投訴，被人批評點解要喺前廳交流會做呢啲嘢。對此，佢表示唔認同，認為呢種事其實好平常，因為香港係自由發表意見嘅社會，又坦言官員態度奉旨咗。

談及2019年反對修訂《逃犯條例》衝突中有逾萬人被捕，仍有約7,000多人未有發落。身為律師嘅謝偉俊指有法係要執行，但有啲情況都可以從寬處理，當政治環境真係安定啲時，係咪可以考慮從輕處理年輕人嘅案件呢？至於被問到檢控同審訊過程太慢時，謝就認為律政司應加快檢控速度，快啲決定告定唔告。另外，謝又承認，有好多人對政治唔滿意，好似一個壓力煲，幾時爆都唔知。