政情：漁農業基金加碼 業界期望有落差

何俊賢話，對每個生產單位嘅資助上限提高，由3萬元增至5萬元，其實只係增加兩萬元，直言只可暫時有器材上嘅提升，但對振興行業有困難，認為基金提高至20億甚至30億元都唔過分。佢話小規模農場就想立即申請，但大規模農場就懶得申請幾萬蚊資助。政府回應話，擁有多於一個生產單位嘅漁農民本身只可申請一筆資助，但通過後可申請兩筆資助，日後會再諮詢點樣優化計劃。

議員盧偉國就舉例指，自己曾經用本地黑毛豬製作叉燒帶番立法會畀議員「加餸」，話本地豬農辛苦培養黑毛豬，但本地得番雙位數嘅豬農咋！佢批評政府政策矛盾，一方面發展農業園、一方面又趕絕農民咁話。