政情：港條件唔夠優厚 新溫室恐被搶走

陳月明話，香港首間荷蘭式番茄溫室位於打鼓嶺坪輋，種植室配備歐洲專門為花卉而設計嘅種植系統，為全港提供超過20種可食用嘅花、裝飾配菜同埋番茄。佢希望香港嘅農業及養殖產業可以慢慢向現代農業轉型、逐漸科學化、產業化，同時希望政府可以多啲提供支援，等相關產業可以吸引更多年輕人入行。

之不過，相關產業都唔易做嘅。陳月明話香港部分地方已列入發展規劃，可經營新型農業嘅土地唔多，呢批年輕人想盡辦法開源節流都好難維持。對於政府嘅農業持續發展基金，佢形容「好過冇」，畢竟金額並不足夠，而開設種植場都需要唔少起始資金，缺乏支援嘅話都好難搞，幸好場地嘅地主都有提供免租期。而睇番新加坡，已經邀請呢班年輕人到當地發展，希望佢哋到當地開設種植場同埋教學，陳話條件都相當吸引，團隊都可能分人手去做嘅。