政情：醫師同名同姓 林琳貼文澄清

之不過，林琳話真係有唔少確診新冠肺炎嘅市民，復康之後睇中醫調理身體；而佢自己喺上月確診之後，一粒止痛藥都冇食過，反而係發病初期服食兩劑中成藥，卡喺喉嚨嘅痰好快排出；跟住又依議員同事黃英豪嘅介紹，以視像形式接受一位浸會大學中醫師遙距診症，並服用對方為佢煎煮，然後速遞上門嘅中藥，結果治療進度非常理想。佢話痊愈至今已經約半個月，身體恢復得好快，亦冇新冠後遺症之慮。

雖然林琳大讚中醫「好掂」，但亦要注意中成藥嘅藥性，並非所有人都適合；譬如曾一度成為搶手貨嘅連花清瘟，其藥性較為寒涼，唔啱佢嘅體質。