昔日東方政情：教局開2職位 被指過去與校溝通差
立法會人事編制小組委員會尋日召開會議，教育局建議開設兩個為期5年嘅首席教育主任職位，以讓區內區域教育服務處能各有一名首席教育主任監督，加強實施教育政策方面嘅高層監督，讓其能夠充分發揮與各區嘅學校及社區溝通嘅職能，兩個編外首席教育主任職位所需開支為每年每位約520萬元。開位要加強溝通，但議員朱國強則非常不滿過去官員及學校溝通，直指係相當混亂，態度惡劣喎。
議員稱官員連基本尊重都冇
朱國強指出，分區官員同學校溝通混亂，佢提到，同一個政策同一個問題，當問唔同分區嘅教育服務處會有唔同答案，甚至互相矛盾，而且官員同弱勢學校溝通態度惡劣，可以話基本尊重都冇，對此非常不滿意。朱又指分區教育服務處同學校溝通時冇用心聆聽，導致問題經常石沉大海、冇下文，希望今次加位能解決問題。教育局常任秘書長李美嫦回覆指會加強督導和培訓，希望增加職位後能加強統籌規劃。
另外，亦有議員關心人口下降嘅情況下，學校跨區重建資源分配問題。議員盧偉國提到，每區學生人口下降情況都不一樣，建議局方喺考慮小學跨區重置嘅問題時要視乎當區嘅訴求。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
