政情：涉非法集結恐判監禁 民主黨主席仍想連任

2019年11月警方圍堵理大期間，羅健熙喺尖沙咀被捕，被控非法集結等罪，案件將於明日裁決，羅即使有機會面對監禁，但仍然報名選主席，不過就冇人同佢競爭。另外，民主黨今次將中央委員會成員由15人減至10人，除咗羅健熙及兩名副主席參選人，另有7人參選，分別為陳堡明、莊榮輝、朱子洛、梁永權、吳永輝、冼卓嵐及曾自鳴。

該黨5人嘅紀律委員會，只有4份提名，包括現任紀委主席劉慧卿、盧松柏、鄧惠强及余啟璋。而身兼資源開拓委員會主席嘅深水埗區議員袁海文，曾話將卸去黨內一切職務，所以今次冇報名。