政情：社區宣傳未配合 樂齡科技欠普及

議員李世榮批評現時樂齡科技普及性唔高，關注政府會如何加強宣傳推廣工作，又指早前喺灣仔會展舉辦樂齡科技展覽，部分長者難以長途跋涉到場參觀，佢建議政府喺社區設立樂齡科技中心，以便長者參觀同認識。勞工及福利局局長孫玉菡都認同宣傳工作重要，承諾會想辦法喺社區推動樂齡科技，包括向長者提供產品資料，又指沙田現時亦有樂齡科技中心介紹有關產品。

議員林素蔚質疑，計劃推行8年先至惠及兩萬多個長者，認為並無關顧大部分居家安老長者，未能讓樂齡科技喺社區真正「落地」；加上唔識使用樂齡科技產品嘅老友記為數不少，建議政府設立青年大使，登堂入室向獨居長者示範樂齡科技。孫玉菡回應話，同意長者使用複雜嘅樂齡科技需專人指導，指現時亦有唔少團體提供相關服務。