政情：行政立法關係搞妥 梁君彥盼「踢好場波」

尋日朝早，律政司司長林定國及其律政司團隊，以及兩位政策局局長，一同到立法會前廳同議員進行第4次交流會，討論完善香港法治環境嘅不同議題。會後，梁君彥指法治係確保繁榮穩定嘅基石，前廳交流會給予議員官員交流，會上議員敦促官員落實政策貼地。佢話適逢世界盃開鑼，踢足球如同官員、議員一樣，不同崗位、各司其職、互相補位令香港向前邁進，期望政府總結交流會經驗成效，一齊為市民「踢好呢場波」。

至於林定國就十分贊同梁君彥「踢足球」嘅理論，認為行政立法都想有好成績，最緊要大家配合、有默契咁話。然而球隊要「踢好場波」，球員合作即使重要，但還需領隊嘅策劃，加上球證、旁證、足協等重要角色又係邊度嘅人呢？呢方面梁就冇提及啦。