政情：同外國朋友連線 梁熙促資助藝術片

過去兩個月，梁熙出訪印尼兩次，期間發現東盟嘅朋友都非常熱愛「港產片」，用「港產片」嘅金句，往往係打開話題嘅好渠道。梁又提到，香港「電影發展基金」，自成立以來都係一個支持本地創作嘅一個好措施，2018年更注入了10億元，以進一步支持本地電影發展。但佢就話，唔少業界人士竟然覺得「電影發展基金」係一個好大嘅關卡，影響香港電影文化創作。由於申請製作需要「商業上可行」，故此導致相對低俗嘅電影獲得資助，相反文化藝術含量較高嘅電影，卻往往屬「票房毒藥」而不獲得資助。

因此，梁熙向局方建議，優化「電影發展基金」資助計劃。當局應該資助文化藝術含量高嘅電影，以鞏固香港「中外文化藝術交流中心」地位。唔好令文化藝術水平高嘅電影絕種，而係要讓高水平嘅文化藝術交流合作得以發展。