政情：馬逢國倡文化發展 融入生活體驗

究竟香港嘅文化產業應該朝邊個方向發展呢？馬逢國喺一個訪問中提到，無論普及定高雅，佢都認為係文化。佢主張文化應該融入生活每一個層面，可以為市民同訪客帶來一個嶄新嘅體驗。之不過，儘管香港作為中西文化交流中心，但不宜太過側重發展西方嘅事物，畢竟本港嘅芭蕾舞一定跳唔贏俄羅斯同瑞典、交響樂團亦比唔上柏林同波士頓，所以佢認為香港嘅文化產業應該搵自己嘅一條路，多啲融合東方文化咁話喎。

馬逢國又指出，文、體、旅遊結合嘅概念係受到其他國家啟發，例如南韓喺97年金融風暴之後，就致力發展新產業，藉此帶來新嘅經濟增長，佢覺得呢個概念對香港都好重要，指作為亞洲文化及創意之都必須要強調活力。