昔日東方政情：沈豪傑確診 造就機會陪老婆大人
香港地生活逼人，公一份婆一份嘅家庭比比皆是，元朗區議會主席沈豪傑同太太亦各自為口奔馳，夫妻見面嘅時間特別珍貴。上周三（16日）因確診而需居家隔離，反而造就機會，畀佢同太太長時間相聚，度過拍拖20周年嘅紀念日。
度過拍拖第一個20年
沈豪傑喺社交平台貼文，指尋日係佢同太太拍拖嘅「第一個20年」。原來沈同佢太太以前係就讀港大嘅同班同學，因搭巴士同喺圖書館不時碰面，結果互生情愫繼而締結姻緣。後來沈發展律師事務之餘又踏足區議會，經常要外出主禮同應酬，但佢太太不但毫無怨言，仲要一邊工作，一邊照顧囝囝添。
疫情爆發接近3年，沈不時前往各個地點向確診者派送物資都僥倖冇染疫，殊不知早排竟然確診，居家隔離同太太「被迫」困喺房間。沈話從政以來，兩人就好少機會相處咁長時間，呢次確診反而造就相聚嘅機會，度過拍拖20周年，又希望一齊迎來第二個20年咁話。民青局局長麥美娟就留言，形容沈嘅貼文好甜蜜，仲話佢覓得佳偶，務必錫住個好老婆咁話！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
