政情：顏汶羽 博士畢業論文 搵數據最頭痕

顏汶羽話今次博士畢業論文，同過往嘅碩士論文一樣都以最低工資立法對香港嘅影響為素材，不過寫碩士論文嘅時候最低工資仲未立法；去到讀博士就已經立法，於是就要評估最低工資對各群體嘅影響。佢話寫論文最棘手係搵數據，雖然社會上大量數據為政府所擁有，部分數據如住戶統計數據可以喺政府統計處購得，然而有更多嘅數據係唔會供外界查閱，但幸好佢向來都有跟進勞工政策，得以透過問卷同訪問嚟收集相關嘅數據。

至於完成博士課程嘅心得，顏汶羽主張學術研究同真實環境結合，議政論政務必保持客觀、理性、同秉持專業角度，方可提出有利於社會大多數既政策倡議。