政情：公民黨 領導層12‧17改選 無人接棒恐玩完

梁家傑喺社交平台發文，指自己喺黨總部親手將公民黨第17次周年大會嘅開會通知入信封付郵，亦同時向黨友送出「主席家書」。敲定於下月17日舉行換屆選舉周年大會，而基於黨章規定，所有提名需於14日前提交秘書處，即若下月3日沒有收到任何提名表格，則未能產生新一屆執委會。

如此一來，現屆執委會將於周年大會後，變成為一個看守性質嘅臨時執委會，宣布召開一個特別會員大會，議決將公民黨有限公司清盤，並委任清盤人接管其經已停止運作嘅業務。有關議決只需20名黨員出席就可以舉行，解散議決需要出席黨員四分之三同意就可通過。佢又透露，現時大約有300多名黨員，但好多都冇交足會費，補交會費後就可以參與投票。