政情：林琳忍咳發言 極速講完3396隻字

其實林琳嘅10分鐘發言又真係字正腔圓。自細就講嘢快嘅林琳，就連媽媽都勸佢講說話要慢啲，但林琳話講得慢反而唔慣，過去就試過為電視台節目做錄影，監製指佢讀稿太快，要求再錄一個語速較慢嘅版本，點知一放慢就反而口窒窒！至於尋日喺議會嘅「超高速」發言，佢解釋因染疫好番無幾耐，發言期間係咁想咳要忍住啊！

講起咳，林琳話好多朋友向佢提供紓緩方法，譬如以陳年果皮、或羅漢果沖水飲，仲有就係要戒口，避免食橙同提子。雖然林琳好鍾意食提子，但唔想咳就惟有忍吓口囉。