政情：婦女自強基金 每人年均分唔夠3蚊

陳曼琪認為，呢項政策係值得支持嘅，但整份《施政報告》150段中，卻只得一小段3行字處理婦女事務。而根據今年7月統計數字，2021年女性佔香港整體人口逾403萬人即五成四，以此計算，即使將來「婦女自強基金」撥款金額提高，每位婦女每年平均分得2.5元，區區之數可以做乜嘢呢？佢話連鍾意食嘅菠蘿包都買唔到，要儲兩至3年先可買到啊。

因此佢建議政府大幅增加「婦女自強基金」金額，並盡快制訂《香港女性全面發展白皮書》綱領，開設「婦女事務專員」一職。同時建立女性參政議政人才庫，增加政府諮詢架構內基層婦女團體代表比例，以鼓勵商界及社會賦予女性更多機會進身管理層；設立「婦科醫療券」；亦建議擴大現行先導計劃，設立「乳癌及子宮頸癌」免費篩查等，以支援女性。