昔日東方政情：打4針仍確診 沈豪傑頭痛萬分
本港12歲或以上人口嘅第3針新冠疫苗接種率雖然已超過八成，但疫情喺社區嘅傳播力並無減弱，市民防不勝防。元朗區議會主席沈豪傑即使已經打咗4針，但依然中招，目前遵衞生署指引居家隔離。
正居家隔離 叫人搵助理
沈豪傑尋日喺社交平台貼文，指前晚（16日）進行快速抗原測試，結果呈確診。佢話自己已經注射4劑新冠疫苗，因此病情唔算嚴重，但就感到頭痛欲裂。
沈豪傑又表示自己就算居家隔離，仍繼續在家工作，不過市民若果有任何查詢或求助，就要聯絡佢嘅助理啦。
雖然沈豪傑並無詳細交代自己嘅病徵，但有網民留言叫佢嘗試咳藥水，或其他潤喉嘅藥物，佢都表示認同。睇嚟唔單止頭痛，喉嚨都有唔舒服喎。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
