政情：搶人才唔容易 陳紹雄叫畀誠意

喺會上，陳紹雄話高興得悉創新科技及工業局局長孫東，幾日前表示會親自打電話招攬人才，認為此舉可展現政府誠意，有助打動對方，希望其他官員都可以倣效，一齊打贏人才搶奪戰。

至於議員邱達根，則主張當局需要用行動證明「搶人才」，並需要涵蓋「高、中、青」等年齡層級，以填補創科人才缺口。而外來人才亦要加強支援，要令佢哋產生歸屬感，願意喺香港落地生根。邱又提到政府成立「引進重點企業辦公室」專責引進高潛力同具代表性嘅企業，但亦要求政府清晰交代搶人才辦公室運作及分工，冀搶企業之餘亦要令本地企業睇到清晰前景，繼而留港發展。議員周文港亦提到應全面檢視不利創新發展嘅政策，拆牆鬆綁。