政情：林琳中招4天 快測變番1條線

話說林琳中招前嘅足迹，分別係出席立法會大會、喺宴會廳食飯，而且有7名議員同佢同枱食飯，搞到立法會主席梁君彥都要建議各議員盡快做核酸檢測。

佢尋日話快測得一條線嘅時候，有網友就喺貼文留言話「女神我對你有信心，我打3針都中，冇發燒，冇鼻水，只咳，9天才痊愈，冇後遺症 」，林琳隨即同佢交流康復心得，原來林琳已經打咗4針，中招之後就只食中藥，不過都有網友話中西藥都食，另有網友話因為林琳後生，所以就好快痊愈咁話喎。