政情：立會12‧23結束會期 議員長假前執手尾

之不過，喺放假之前，成班議員仲有嘢做嘅。講緊嘅就係前廳交流會喇，立法會內務委員會主席尋日表示，律政司司長將與官員喺本月23日出席前廳交流會，而政府將會總結過去同議員交流嘅經驗，以優化日後交流會模式。

另外，由於政府早前提出《2022年（1999年禁止餵飼野生動物公告）（修訂）公告》，唔少議員對條文都好關注，所以佢哋喺內務委員會上，要求成立小組委員會跟進。