政情：市區球場變楓林 劉佩玉好興奮

答案唔係元朗大棠，而係位處鬧市嘅楓樹街球場，咁就難怪相片嘅背景係高樓大廈囉。話說深水埗民政事務處同地區團體合辦名為秋日樂繽紛嘅深水埗嘉年華，為咗迎合時節，特地將楓樹街球場某角落布置得漫天紅葉遍地金穗，以吸引市民打卡，場內仲設有供青年創業者推廣產品或服務嘅市集，同埋多個攤位遊戲，今日開幕相信氣氛會好熱鬧。

雖然劉佩玉貼文強調「楓樹街真係有楓樹」，但其實都係人工布置嘅物品，嘉年華完結之後要點處理呢？呢方面劉佩玉就無提及啦。