政情：葛珮帆探望馬鞍山李伯 嚴重燒傷 不能工作 易受驚嚇

EQ指李伯經多次植皮手術後，現已毋須再做物理治療同職業治療，然而經植皮嘅傷口仍會滲血同痕癢，經常要食止痛藥同止痕藥，雙腿不但上梯級乏力，亦好容易跌倒。雖然手肘關節經矯正手術後終於可以伸直，手指亦較以前靈活，惟李伯上次手術期間心臟曾一度停頓，因此不宜再做矯正手術，以致左手拇指同尾指嘅伸展幅度都相當有限。李伯由於身體狀況欠佳，好多時都只能夠屈居在家，結果連脾氣都差咗，另一方面又好容易受到驚嚇，但幸好有李太不離不棄嘅照料，勇敢面對漫長嘅康復道路。

對於縱火兇徒仍然在逃，EQ同李伯都相信天網恢恢，犯案人士最終會被繩之於法，讓公義得以彰顯。