政情：陳婉嫻開大口 婦女事務撥款一億先夠

由400萬加到一億元，增幅豈不是好誇張？嫻姐話要呢個數額係有理由㗎，事關婦委會有幾個大項目在在需財，例如協助婦女就業，當中就涉及提供婦女課程、同埋提供資金畀基層團體推動婦女工作，仲有幫助婦女解決精神健康問題，耗費都相當可觀。佢仲話婦委會嘅錢真係唔多，令到佢哋「要大力宣傳真係困難」。

同嫻姐屬同一工會嘅麥美娟，近排就入咗政府做民政及青年事務局局長，被問到有無近水樓台，問麥美娟要求多啲資源呢？嫻姐就話自己都有同麥美娟傾過，而對方就表示明白佢哋嘅工作咁話。